مراجعة شاملة للسيارة فيات سينا بجميع موديلاتها فى مصر
حول فيات سينا
مميزات وعيوب فيات سينا 2000,مميزات وعيوب فيات سينا 2002,مميزات وعيوب فيات سينا 2003,مميزات وعيوب فيات سينا 2004,,مميزات وعيوب فيات سينا 2008
وفي عام 2012 ظهر الجيل الثاني من السيارة وعرف باسم جراند سيينا وحصلت السيارة علي لقب الأكثر مبيعاً في البرازيل بمبيعات 800 ألف سيارة في 14 عام وعرفت السيارة في ايطاليا باسم دونا. وصنعت السيارة في عدة دول وحصلت مصر على نسخ مختلفة منها فظلت تقفيل مصري الي 2002 ثم تقفيل تركي وظهر البرازيلي في 2006 و2007 وتم وقفها وبدأ استيراد سيينا الصيني في عام 2008 وبيعت النسخة الصينية منها في مصر بسعر 69.500 ألف جنيه في 2008
مراجعة شاملة للسيارة فيات سينا :المحرك
مميزات : تتميز السيارة بمحرك رباعي الاسطوانات الأول بسعه 1400 سي سي والثاني بمحرك سعه 1600 سي سي بقوة 104 حصان ، ومع خاصية ( هاف إنجيكشن) وتقدم هذه المحركات بموديلات بداية من 2000 حتى 2004، بالإضافة إلى ناقل حركة مانيوال. ووفرت هذه النسخ صوت محرك ناعم جدا .
عيوب منظومة الدفع أن فتيس السيارة ليس ناعم ويحتاج الي الضغط الشديد على الدبرياج في النقلات مع ضرورة تنظيف بوابة الانجكشن باستمرار ووجود اختلال في عداد RPM . كما أن سحب السيارة على الطرقات السريعة مناسب جدا حسبما يراه البعض بسبب سعة المحرك بينما يراه آخرون ضعيف خاصة في حال تشغيل التكييف . والمشكلة الرئيسية الأخرى التي تناولها الكثير من ملاك السيارة هي مشكلة تعرضها للسخونة وارتفاع حرارتها بسرعة كبيرة رغم تواجد اثنين ثروموستات فيها ولكن مثل باقي السيارات الفيات الحرارة مشكلة كبيرة فيها.
كما يعيب السيارة صغر حجم (حوض) المحرك مما يجعل يؤدي إلى رفض عدد كبير من الفنيين إصلاحها وخاصة السيارة ذات المحرك 1600 سي سي. والسيارة في النهاية بشكل عام سيارة متوسطة وأدائها جيد الي حد ما على الطريق ولكنها تسبب صعوبات في نقل الحركة .
مراجعة شاملة للسيارة فيات سينا :الصالون
تتميز السيارة بطول يبلغ 4.210 متر وعرض 1.703 متر وارتفاع بواقع 1.490 متر مع وزن السيارة 1070 كجم وسعة الشنطة الخلفية بواقع 500 لتر كما تتميز السيارة بامكانية طي المقاعد الخلفية.
ورغم أنها سيارة متوسطة الحجم ولكن حقيبتها الخلفية واسعة وهناك اختلاف بين ملاك السيارة حول رحابتها الداخلية حيث يري البعض أن عيبها الرئيسي في ضيق المساحة الداخلية خاصة في الكنبة الخلفية، فيما يؤكد بعض ملاك السيارة أن صالون السيارة واسع ومريح كما أن حقيبة السيارة الخلفية واسعة للغاية.
كما يعيب السيارة ضعف بعض التجهيزات مثل الكاسيت وشكل التابلوه الداخلي في حال تغيير الكاسيت كما أن التكييف ليس قوي للغاية ولكنه جيد في الأمام ومتوسط في الخلف ولوحة العدادات سهلة وواضحة .
مراجعة شاملة للسيارة فيات سينا :قطع الغيار
المشكلة الرئيسية في هذه السيارة في أسعار قطع غيارها التي تعتبر عالية مقارنة بالسيارات الكورية كما أن هناك صعوبة في العثور على قطع غيار السيارة بجانب ارتفاع ثمنها ولكن ما يتم العثور عليه يكون قطع غيار أصلية وليست مضروبة مثل بعض السيارات الكورية وهو ما يعني أن بدائل السيارة قليلة على عكس سيارات مثل دايو نوبيرا لها قطع غيار صيني وكوري وياباني بديلة.
كما أن هناك مشكلة في أن السيارة لا يتعامل معها الا قليليين ومن الصعب أن يفهم فيها أي ميكانيكي وتصليحها في التوكيل أفضل بالاضافة الي توفر عدد محدود من التجار في التعامل معهم وتوحد سعر القطع داخل وخارج التوكيل.
كما ان هناك قطع غيار غير متوفرة مما يضطر ملاكها الى البحث عن بدائل او اجراء تعديلات فى السيارة مما يؤثر على الاداء ويسبب المزيد من المشكلات
مراجعة شاملة للسيارة فيات سينا :العفشة
تتميز السيارة بثباتها الجيد على الطريق خاصة في المنحنيات ولكن حتى سرعة 120 كم وبعد ذلك قد لا تكون على نفس الدرجة من الثبات، كما أنها تتميز بنعومة كبيرة في الحركة , والعفشة الخاصة بالسيارة جيدة تعطي احساس بالراحة ويمكنها التعامل مع المطبات في الطرق المصرية بشكل جيد بسبب الارتفاع المناسب عن الارض.
مراجعة شاملة للسيارة فيات سينا :اعادة البيع
تعتبر السيارة فيات سيينا من أشهر السيارات المستعملة في السوق المصري نظرا لعده عوامل، أهما، سعرها المناسب مقارنة بعدد كبير من السيارات المستعملة بالإضافة إلى إنتمائها إلى فيات الإيطالية المحبوبة في مصر ، وهي تتميز بسعر مناسب جدا وفقا للأمكانيات التي تتمتع بها وتعرف السيارة بصعوبة اعادة بيعها لأنها سيارة غير منتشرة وبها مشكلات فى توافر قطع الغيار وصعوبة الصيانة خصوصا خارج القاهرة مما يؤدى لسعر اعادة البيع منخفض الي حد ما بسبب مشكلات قطع الغيار التي تعاني منها السيارة.
اشهر عيوب السيارة فيات سينا والتى قد تجعل سعر اعادة بيعها ضعيف :
- الحرارة
- سهولة انتشار الباروما خصوصا في الأبواب
- ضعف السحب
- عدم الرحابة الداخلية .
- عدم توافر قطع الغيار
- عدم وجود وسائل امان كافية
مراجعة شاملة للسيارة فيات سينا :الامان
- قفل مركزي
- مصابيح ضباب
- صاج خارجي قوي في الصدمات
- ولا توجد وسائل أمان كافية في السيارة غير قوة الهيكل الخارجي التي تعتمد عليه السيارة بشكل كبير.
مراجعة شاملة للسيارة فيات سينا :التجهيزات والكماليات
- تكييف ولكنه متوسط وليس تكييف قوي
- زجاج كهربائي
- مرايا كهربائية
- باور ستيرينج
- فتح التانك والشنطة من الداخل
- الاطارات 175\70R14 .
- مع ضعف بعض التجهيزات مثل الكاسيت وسوء شكل التابلوه الداخلي
عندي وحده كرهتني في عيشتي في الحراره غيرت كل شئ قاعده هيا هيا قاعد كان قرسيوني تسطاطه بس ماغيرته
ردحذفما فيش سياره ما فيهاش عيوب وخاصة المستعمله هلبا وبعدين على المحافظه والصيانه
ردحذفقربة المياه بلاقيها كل يوم فاضية خالص و بتاخد حوالي نص لتر عشان تتملى و بتفضل معايا شغاله طول اليوم لحد ما تبات واقفه تقوم تفضي القربة تاني ده عيب ايه و اعمل ايه
ردحذفمحتاج كرنك سيينا منين وبكام فيات سينا ١٤٠٠ محتاج ستاندرد أو حتي زيرو عشره لو حد عنده فكره ممكن يدلنا
ردحذففيات سينا ٢٠٠٢ سليمه كلها رخصه سنتين مرور قوات مسلحه
ردحذفبسعر ١١٠ الف
اللمبه اللي تحت مؤشر البنزين بتاعت ايه لو سمحتوا ..سيينا 1600
ردحذفللبيع عربيه فيات سينا 2008 كانت 1500 cc مكنش ليه اي قطع غيار احتاجه قطع و ملقناش غيرنا لماتور بونتو وسيستم كامل فتيس و ضفيره وش مظبوطة ومحتاجه مصروف و انا مش فاضي فعشان كده عايز ابيع
ردحذفال ١٦٠٠ الميكانيكيا بيرفوضو يشتغلوو فيها ولازم واحد فاهم فى السينا و لان الحوض ضيق ومتعب فى الفك والتركيب ١٤٠٠ احسن بكتير معايا بقلها عشر سنين سياره عمليه .....
ردحذف1600اعتماديه قلة أعطال يلزم فني متخصص للعمل فيها
ردحذف1400 أعطال أكثر لكن اي فني يشتغل فيها
العفشه في آلأتنين واحده
مشكلتها تسخن كثير ومن الخلف لو طولك اكثر من 175 راسك يلمس السقف و الثبات غير جيدة خاصتا عند السرعة في الطرق ذات المنعرجات
ردحذفالسلام عليكم انا عندنا فيات سيينا مشكلتها انو الميموري تاعها تحرقت ما عرفتش وين نشتريها
ردحذفنصيحه لوجه الله لاتتورط تشتريها وكلشي فيات لان بتشحذك سأل مجرب ولاتسأل حكيم
ردحذفنصيحه لله تعالي مطلعه روحي مش اي ميكانيكي بيشتغل فيها وقطع الغيار مشكله
ردحذفوالله عربيه جميله وشيك ، اتعامل معاها وراعيها لأنها عربيه محترمه
ردحذفواللى بقولك بيع ،، معاه عربيه من البدايه تعبانه ومبصرفش عليها
انا كانت معايا سينا 1400 فبريكة بالكامل لمدة سنة ونصف
ردحذفمميزاتها بالنسبة لى
صاج السيارة قوى قاعدتها حلوة فى السواقة الثبات والتكييف والباور مش بطال الشنطة واسعة ارتفاع السيارة على الارض مش وحشة بص مجمل السيارة كشكل وسواقة مش وحش
علشان السيارة ماتخربش لازم ميكانيكى يعرف تفاصيلها ( انا كنت بتعامل مع ميكانيكى متخصص سينا وفيات فقط امام ابو طارق ش شامبليون وسط البلد وبجانبه الكيلانى ملك قطع غيار فيات )
العيوب : ( دى تجربتي )
اسعار قطع الغيار غالية جدا مقارنة بالكورى وعن تجربة كتاوت الدينمو كلفتنى من 200 الى 300 ج مروحة التبريد 400 ج صيانة الباور كلفتنى 1250 ج عمل سرفيس كامل كلفنى 1150 ج شامل المصنعية 200 ج تغير جميع السيور والبوجيهات والتيل والفلاتر وزيت الماكينة علشان تحل الدينمو مشكلة لازم اما تحل فردة الكاوتش اليمين والكوبلن او تحل الباور بالكامل وده بيكلفك مصنعية كهربائى وميكانيكى كنت كل شوية رايح للميكانيكى والله كانت ايدى فيها ولما قررت اسافر المنصورة وانا على الدائرى سير الديبرياج انقطع فى حتة مقطوعة مشيت على التالت حتى رجعت البيت وتانى يوم روحت اجيب السير من الكيلانى 150 ج ركبهولى ميكانيكى ورجعت على الميكانيكى بتاعى جنب الكيلانى وحتى تركيبه مقرف مش زى العربيات التانية وروحت البيت وقررت اروح المنصورة فى الاجازة التالية وقبلها بيوم وانا رايح الشغل لقيت دخان طالع من الشكمان ركنت اشوف فيه ايه ( ايه حكايتك معايا ) بخار كتير طالع من الشكمان ماروحتيش الشغل وروحت للميكانيكى كشف وقالى جابت وش سيلنتر ( لبست 2250 ج وش ) ومن يومها قررت الببببببييييييع وبيعتها وجبت اكسنت والحمد لله على النعمة اللى انا فيها
الله يسامح الوكيل ( فيات ) هو اللى عامل كدة فى عربياته بسبب الغلاء المبالغ فيه فى قطع الغيار
هى عربية جميله بس تغور بسبب السخونة وغلاء قطع الغيار
هل السينا تنفع لشل اندريفر واوبر وكريم وديدى
ردحذفالناس الى بتسال على الشغل بالعربية هتشتغل اندريف فقط مش هتتقبل فى اى حاجة تانى واسعار اندريفر تخسر فى ظل غلاء البنزين والصيانة
ثانيا التكييف مش شغال ومش هيشتغل ولو صرفت هتصرف مبالغ وبردوا هيبقى ضعيف وهيسخن العربية وتضطر متشغلوش عن تجربة علشان كده اغلب العربيات المعروضة مش هتلاقية شغال
قطع غيار غالية وغير متوفرة مش زى الاكسنت مثلا ومحتاج صنايعى بيفهم فيها غير كدة هتتعب جدا خصوصا لو هتشتغل بيها يعنى هتحتاج صيانة كتير فاعمل حسابك على مبلغ محترم كل شهر
فى العموم عربية كويسة لحد 80 او 90 الف استخدام شخصى اكثر من كدة عندك اكسنت واكسيل وكيا برايد نفس الموديلات بتاعت السينا هتبقى احسن كتير فى كل حاجة واى صنايعى بيشتغل فيها
احب اضيف ان فيات سينا 2008 دى صينى وموتورها ملوش قطع غيار ومشاكلها كتير بلاش منها
ردحذففيات سينا موتور 1600 سحبها حلو بس حوضها ضيق جدا والصنيعية مش بيحبو يشتغلو فيها بتاخد وقت ومصنعية كتير
قيات سينا موتور 1400 معقولة بس انسى التكييف بيسخن العربية ومشاكلة كتير
فى كل الحالات لازم تسال مكانيكى قريب منك بيشتغل فيها ول لا لان لو صنيعى مش بيفهم فيها هتتعب ومشاكلها هتخليك تكرة العربيات كلها
اعادة بيع زفت و لو الدنيا مستقرة فى الاسعار فى الغالب هتخسر فيها فحاول تجيب عربية بسعر كويس لانك هتصرف عليها كتير ولما تيجى تبيع مش هتلاقى حد يشترى بسهولة
السلام عليكم ..
ردحذفلو سمحتم انا لسه مشتري عربيه سينا موديل٢٠٠٤من شهرين متحوله كربرتير كانت ماشيه تمام وفجاه فصلت قالو طرمبه بنزين غيرتها واتفجات بعد كده أنها شغاله ومن ساعتها الطرمبه بتسخين جامد وتفصل القديمه والجديده والعربيه بتقطع قالو كهربا غيرت حاجات كتير بس بردو زي ماهي في مكانيكي بيقولي نرجعها انجكشن وواحد يقولي نجيب طرمبه سوزوكي ونىجعها ورا وانا مش عارف اعمل ايه ممكن الافاده معلش هي طرمبه أما العربيه أو حد يعرف ميكانيكي يكون متخصص مناسف للاطاله
معايا سيينا ١٤٠٠ كانت مبرجله كشفت عليها الجهاز قال كنترول وغيرته وبتمشي كيلو او زياده شويه وترجع تتبرجل وتقف .حد عنده فكره لان غيرت فيها حاجات كتير ونفس المشكله .افيدونى
ردحذفتجربتي مع السيارة فيات سيينا
ردحذففضلت سنتين بدافع عن فيات سيينا و حاببها جدا لكن علاقتى بيها كانت من بعيد لبعيدعربيه واسعةو شيك و تكييف و باور و ازاز كهربا و شنطة اد البحر و سعر مقبول و فى الفترة دى قررت اقرب اكتر و اشترى واحدة طبعا قررت على 1400 سى سى نظرا لقله المشاكل لكن المشاكل الى شوفتها كتير مابالكم بال1600 الى مشاكلها المفروض اكتر و شوفت عدد عربيات كتير جدا حوالى 8 عربيات كلهم فيهم عيوب مشتركة و عيوب لا تغفر لأى عربيه ولا حتى توك توك
عشان مبقاش قاسى فى حكمى هقول المميزات الاول
عربيه شكلها مقبول من الخارج تنفع شباب او كبار
صاجها حلو
صالونها مقبول جدا و الكنبه لو واحد 170 سم هيرتاح جدا فيها
التابلو سهل التعامل فيه و العدادات واضحه لكن فيها كارثه هشرحها بعدين
التكييف لو انت قاعد ادام جميل لو فى الكنبه متوسط
العزل كويس يعنى صوت الماتور مش بيعلى اوى
شنطتها كبيرة جدا لو فى سفر هترتاح
قطع الغيار مش غاليه اوى زى مابيتقال بس متوفرة
العيوب و دى عيوب كارثيه
عمرى ماكنت اتخيل كلمة السخونيه الى قولت هذكر كارثه فى العدادات بتاعتها دى هتوصل للدرجه دى فى كل العربيات الى شوفتها انا على طول بشوف فى اى عربيه مؤشر الحرارة اقل من النص حاجه بسيطة لكن دى مش فى النص بس دى دايما فوق النص حتى لو اتحركت خطوات اخر واحدة اخدتها من ميامى لوينجت و الاسكندرانيه عارفين ان دى مش مسافه احب اقول لحضراتكم ان مؤشر الحرارة كان قرب جدا من الخط الاحمر و على فكرة دة ولا عيب مروحة ولا وصلات ولا خراطيم الردياتير ولا المكنه ولا الترموستات لان فيه ناس اذكيه قالوا انها فيها ترموستات بتسخنها عشان الدول الساقعه كل ده اتغير ولا اى حاجه هيا من النهايه ليها استخدام معين لو عديته هتقلب بسخونيه لا حل له و ان كانت فيه حلول هتكون مؤقته لا تتعدى شهرين و دة كلام ناس من ملاكها و اكيد محدش هيطلع عيب فى حاجه بيمتلكها بمعنى اصح مش عادتنا كمصريين اننا نقلل فى حاجه بتاعتنا بس ده امر واقع و كل الميكانيكيه و متخصصين الردياتير كل مايشوفوها بيركزوا فى عداد الحرارة و يقولولى مالهاش حل يقعد معاك الا شهرين و ده ممكن تغير جوان او يأثر على المكنه و الحوض كله طبعا انا مش فاهم ولا كلمة لانى مش بفهم فى الميكانيكا بس الميكانيكى الى روحتله ده من النهايه بيفهم من اول سيات 133 لحد بورش كايين انا حاولت اقنع نفسى ان دى مشكله بسيطة و قولت برضه هشتريهل انا اتخنقت من اللف على عربيه لدرجه ان الميكانيكى اتحرج بسببى و ندالى واحد معاه سيينا نفس الموديل 2002 و ماشيه حوالى 85 الف كيلو يعنى حاله نادرة جدا و قالى انه جايبها من اقل من سنه و صرف على السخونيه بس 10 الاف جنيه و بيدور على اى عربيه تانيه لانه خايف يطلع بيها تتحرق و بيدور على اى عربيه تانيه فى حدود 25 الف لانه هيبيعها بالسعر ده رغم انها مش محتاجه جرام بويه زى مابيقولوا بس مش قادر يستحملها
تانى عيب
مفيش فيات سيينا شوفتها مفيهاش بارومه فى الاربع ابواب و الاربع ابواب بألفين جنيه و اخرهم سنتين تلاته و البارومه هتسرح فيها ده اذا مجيبتهمش فيها بارومه لدرجه ان الراجل فك الفرش بتاع الابواب شوفت مهذله جوه و عايز اقولكم على كارثه انا شوفت الابواب دى قبل ما اروح للميكانيكى حوالى ساعتين و سبحان الله نفس الاماكن الى شوفتها دى لما هوا ورهالى تانى بعد ما مسحها بقماشة مبلوله و نشفت شوفت العجب و الوان متغيرة و صدا رهيب
تالت عيب
مكنه السيينا غدارة بجد و اسئل اى ميكانيكى عليها ممكن تبقى صوتها واطى جدا و سحبها كويس و فجأه تلاقى نفسك محتاج عمرة لان لو مكنتها خفيفه مش هتحس
رابع عيب
العربيه و انت سايقها لو ناوى تبص وراك او فى المرايا او بتركن هتتخنق من اليوم الى ركبت فيه عربيات حتى لو راكب ريو جديدة او النترا الجديده رغم بومبيهاتهم الكتيرة بس دول حلوين جدا لكن دى فيها حاجه غلط يمكن محتاجه تعود او ده عيب منى و من ناس زيى
دى العيوب الى لاحظتها فى الفتره الاخيرة و ماخفى كان اعظم
يعنى لو تحت ايدى فيات سيينا ممكن تكون سبب فى انتحارى
و مش عايز حد من ملاكها يتضايق يمكن العربيه الى معاه موصلتش للحالات دى لانه ممكن يكون اول مالك ليها و مرتاح كدة
بس انا عرفت ليه الناس بتقول عليها الكلام ده كله بس عمر ماحد فهمنى ليه بيقولوا كدة
الحمد لله اننا فهمت بنفسى قبل ما اتدبس
منقول
تعليق منقول من الفيس بوك لاحد الملاك لتجربتة مع السيارة فيات سينا
ردحذفأوضح للجميع اي سياره تم تصنعها لها عيوب ومميزات عيوب السيينا مثل ما انت قلت سخونه ومشاكل حساسات لكن كل ده موجود في سيارات كتيره جدا نقول بقي نقدر نتغلب عليها ازاي بالنسبه للسخونه غير ترمستات الحراره برقم اقل من اللي راكب او شغل مروحة الريداتير بمفتاح من الداخل تتحكم فيه بغلق او التشغيل ويكون علي اعلي سرعه للمروحه وايضا يكون راكب سلك جيد جدا وكمان كتاوت علشان السلك يكون امان
بالنسبة للحساسات خلي معاك ديما في شنطة السيارة اسبراي تنظيف يكون اصلي ويكون جاف علشان كل أسبوع أو عشر ايام تنظف جميع الحساسات وكمان ديما تنظف دورة الهواء والفلاتر وكمان تنظف البوابه وايضا ديما تعمل تربيط للعفشه كل ١٥ يوم يعني مرتين او مرتين كل سهر ونصف وديما تشوف في تبخير زيت في الماكينه علشان لو في تبخير زيت علي أجزاء الماكينه يبقي في جوان ضرب او اولسيه وضروري يتغير لا تهمل في هذا الأمر
من الاخر انت اللي هتصون سيارتك وكل ما تصونها هي كمان هتعطيك وتصونصك لا للاهمال لا للكسل مع سيارتك
انا بسافر بيها والله من غير توقف نهائي ولا حتي اني أقف علشان افول بنزين وبوصل الحمد لله وزي الفل بذهب شرم واذهب للغردقه وانا كنت في طابا من اسبوع ولسه راجع انبارح وكل السفر ده درك من غير اي توقف انا بفول السياره من قبل ما اتحرك لأي سفر وبوصل افولها تاني وبتحرك بيها داخل اي مدينة ولما برجع بفول ولما بوصل القاهرة افولها لان جميع المحطات اللي بتكون علي الطريق بيكون فيها رواسب في البنزين لان شغلها قليل جدا وان بصراحه بفضل افول من داخل المدن افضل واامن بكثير وهذا كل شيء وانا تحت امرك
** اه بالنسبة للتكيف دا موضع تاني خالص لان انا عملت فكرة جميله خلت التكيف معايا افضل من السيارات الجديده كمان وبنفس الكباس بتعها وبنفس كل حاجه فيها لكن عملت تعديل صغير خلت التكييف ثلاجه
اولا ذهبت لكهربائي شاطر في الفك والتركيب خليته فك الطابلوه وخرجت الثلاجه واشتريت ثلاجه جديده من يوسف محمد يوسف في فيصل واشتريها الأصل زي اللي فيها بالظبط وجديده والله مش استعمال وبعدين مكان خزنة التلاجه فيها ثلاجه اخري للسخن انا فكيت ثلاجة السخن ورمتها وبعتها خرده واغلقت مكنها كويس علشان ميكونش في اي هواء يخرج من غلاف الثلاجه نهائيا وكمان اغلقت بوابات دخول الهواء الخارجي اغلاق دائم بمعني أوضح عملت طبه واحكمت اغلاق الثلاجه للبارد فقط ثم وصلت التوصيلات مع أحكام جيد والحمد لله المروحه تعمل بسرعه عاليه جدا وايضا هواء التبريد ممتاز لدرجه ان سعات أولادي بيقولولي يا بابا أغلق التكييف احنا بردنا والحمد لله علي فضله
** بالنسبه لقطع الغيار من عند الكيلاني لكن ديما اسأل عن الإيطالي الأصلي وحتي لو غالي لان هترتاح جدا مع القطع الاصليه او من عند نصر لقطع الغيار او من عند يوسف محمد يوسف فرع الدقي او فيصل
مشاكل دينمو السينا
ردحذفبصراحة تعبت خالص
عندى العربية فصلت مرة وحدة كهربة كهربائى قالى بطارية جبت بطارية جديدة قعدت يومين وباظت كهربائى تانى قلى عندك الدنمو فاصل شحن وقلى الكتاوت بتاعته مش موجودة حاجة اسمها تربو او برنتو حاجة زى كدة وقلى لازم تغير الدنمو فدايخ مش لاقى دينمو يركب عندى قلى هات 1600 وانا عربيتى 1400 وعطلان بقالى يومين أهل الخبرة اية الحل
الدنمو علشان يتفك لازم مكانيكى مكانة ضيق والكهربائى مش عارف يفكة
السلام عليكم معايا عربيه فيات سينا لسه جايبه ١٤٠٠ العربيه بتسخن مني مع اني عملت زرار للمروحه ومشغلو ع طول ع شان أطمن ان المروحه شغاله وبردو بتسخن جامد والمياه ف القربه بتغلي مع العلم اني لسه جايب ريداتير جديد وعامل جوان وش سلندر
ردحذفبيعها واخلص دى عربية عايزة الحرق
حذفعن تجربة مريرة عربية عايزة صريف كل شوية اعطال وصيانتها غالية علشان حوضها ضيق بنصح اى حد بلاش تشتريها ومحدش بيبيع حالة كويسة وحتى لو لقيت هتبقى غالية ونفس الفلوس تجيب اكسيل نضيفة او اكسنت نفس الموديل او تزود شوية وتجيب لانوس على العموم كانت تجربة سيئة وفلوس فى الارض وبعتها بالعافية
ردحذفتحذير مهم لاى حد مقبل على شراء فيات سينا
ردحذفرقم الشاسية بيكون تحت الكريى الى جنب السواق واعلب العربيات المكان بيكون مصدى وممكن الرقم ميبقاش ظاهر ودة معناه ان المرور فى الفحص فى الغالب هيدقلك الرقم على القايم ودة كفيل يخسرك نص ثمن العربية فتاخد بالك ولازم تشوف حل ان المكان دة ميصديش ودى مشلة لانة معرض للصدى والبارومة والصدى عموما من اشههر عيوب العربية فيات سينا